फुलेवाडी भोगमपार्क रस्त्यालगत कचऱ्याचे साम्राज्य

  फुलेवाडी रिंग रोड, भोगम पार्क येथील कचऱ्याचा ढीग   फुलेवाडी भोगमपार्क रस्त्यालगत कचऱ्याचे साम्राज्य  कोल्हापूर प्रतिनिधी -नारायण लोहार  फु...

 फुलेवाडी रिंग रोड, भोगम पार्क येथील कचऱ्याचा ढीग  

फुलेवाडी भोगमपार्क रस्त्यालगत कचऱ्याचे साम्राज्य

 कोल्हापूर प्रतिनिधी -नारायण लोहार 

फुलेवाडी-फुलेवाडी परिसरातील बोंद्रे नगर मधील भोगम पार्क, पाडळी रोडवरील रस्त्यालगत कचऱ्याचा ढीग साचला आहे. भोगम पार्क मधील धनगर वाडा वसाहत संपल्याबरोबर रस्त्यालगत कचऱ्याचा ढीग साचला आहे. हा कचरा पावसाने भिजल्यामुळे त्याला दुर्गंधी आलेली आहे. त्यामुळे नागरिकांना या दुर्गंधीचा भयानक त्रास व्हायला लागला आहे. या परिसरातील नागरिकांच्या आरोग्यावर परिणाम झाला आहे. या कचऱ्याची विल्हेवाट लावण्यासाठी महानगरपालिकेने घंटागाडीची व्यवस्था करावी असे नागरिकांची इच्छा आहे. या कचऱ्याच्या ढिगार्‍यापुढे काही अंतरावर के एम टी कॉलनी आहे. तिथेही कचऱ्याचा ढीग साचला आहे. या कचऱ्यामुळेभूमी नंदन कॉलनी गणेश पार्क निसर्ग पार्क या कॉलनीतील लोकांना त्रास होत आहे. या तिन्ही कॉलनी पाडळी ग्रामपंचायत अंतर्गत येतात. तेव्हा पाडळी खुर्द ग्रामपंचायत ने कचरा गाडी ची व्यवस्था करून या कचऱ्याची विल्हेवाट लावावी. पावसाचे दिवस असल्यामुळे कचऱ्याला दुर्गंधी आली आहे 

. त्यामुळे नागरिकांच्या आरोग्याला धोका आहे. तेव्हा भोगम पार्क व केएमटी कॉलनी येथील कचऱ्याची व्यवस्था लवकरात लवकर महानगरपालिका व पाडळी ग्रामपंचायतीने करावी अशी नागरिकांची कळकळीची विनंती आहे. या परिसरातील नागरिकांच्या आरोग्यावर विपरीत परिणाम झाल्यास महानगरपालिका व ग्रामपंचायत पाडळी खुर्द यांनी कचऱ्याची समस्या यावर त्वरित उपाययोजना करावी.