*सौ.स्वाती रमेश मुंडे यांची जिल्हास्तरीय आदर्श पोलीस पाटील सेवारत्न पुरस्कारासाठी निवड*

सौ.स्वाती रमेश मुंडे यांची जिल्हास्तरीय आदर्श पोलीस पाटील सेवारत्न पुरस्कारासाठी निवड _8 डिसेंबर रोजी पुरस्कराचे कोल्हापूरातील  स्व. पांडुरं...

सौ.स्वाती रमेश मुंडे यांची जिल्हास्तरीय आदर्श पोलीस पाटील सेवारत्न पुरस्कारासाठी निवड

_8 डिसेंबर रोजी पुरस्कराचे कोल्हापूरातील  स्व. पांडुरंग दादोबा माने सांस्कृतिक भवन.दत्त मंदिर जवळ, फुलेवाड़ी, कोल्हापूर सायंकाळी ठीक 4.30 वाजता वितरण 

 मित्र परिवाराकडून सौ.स्वाती रमेश मुंडे यांचे अभिनंदन

परळी वैजनाथ (प्रतिनिधी) ः-   बीड जिल्ह्यातील परळी वैजनाथ तालुक्यातील दादाहारी वडगावच्या महिला पोलिस पाटील सौ. स्वाती रमेश मुंडे यांना जिल्हास्तरीय आदर्श पोलीस पाटील सेवारत्न पुरस्कारासाठी निवड झाली आहे. विविध मान्यवरांच्या हस्ते कोल्हापूर येथे 8 डिसेंबर रोजी या पुरस्काराचे वितरण होईल अशी माहिती  द युवा ग्रामीण पत्रकार संघाचे जिल्हाध्यक्ष तथा पत्रकार सागर शेळके यांनी दिली. सौ. स्वाती रमेश मुंडे यांना जिल्हास्तरीय आदर्श पोलीसपाटील सेवारत्न पुरस्कारासाठी निवड झाल्याबद्दल सर्व स्तरातून अभिनंदन होत आहे.

       द युवा ग्रामीण पत्रकार संघ कोल्हापूर जिल्हा आयोजित विशेष शानदार पुरस्कार वितरण सोहळ्यात विविध क्षेत्रातील कर्तबगार व्यक्तींचा, संस्थांचा पुरस्कार देऊन दिग्गज मान्यवरांच्या शुभहस्ते गौरव करण्यात येणार आहे. यामध्ये कायदा सुव्यवस्था राखण्याबरोबरच गावातील महसूल व पोलीस प्रशासनाच्या जबाबदारी उत्तम प्रकारे सांभाळणे, जातीय सलोखा, सण, उत्सव, गावातील तंटे गावातच मिटवणे सह आदी प्रभावी कामे पार पाडल्यामुळे सौ.स्वाती रमेश मुंडे यांची जिल्हास्तरीय आदर्श पोलिस पाटील सेवारत्न पुरस्कारासाठी निवड जाहिर झाली असल्याची माहिती जिल्हाध्यक्ष सागर शेळके , उपजिल्हाध्यक्ष डॉ राजेंद्र सूर्यवंशी, प्रा बाबूराव घुरके, अभिजीत पाटील, नारायण लोहार, गोरख कांबळे, मंगेश उबाळे , लखन तलवारे, पाडूंरग बेलेकर , हर्षद कुंभोज ,सुभाष भोसले, विजय मोरबाळे यांनी दिली आहे. 

             दादाहारी वडगाव येथील महिला पोलिस पाटील सौ.स्वाती रमेश मुंडे यांनी  पोलिस, महसूल प्रशासन व सामाजिक क्षेत्रात उल्लेखनीय कार्याची दखल घेऊन या पुरस्कारासाठी निवड करण्यात आली आहे. दादाहारी वडगाव येथील गावाचा पोलिस पाटीलांचे कर्तव्य गेल्या १४ वर्षापासुन  उत्कृष्टरीत्या सांभाळत आहेत. पोलिस पाटील सौ.स्वाती रमेश मुंडे यांना जिल्हास्तरीय आदर्श पोलीसपाटील सेवारत्न पुरस्कारासाठी निवडीबद्दल त्यांचे सर्व स्तरातून मान्यवर, मित्रपरिवार व नातेवाईकांकडून स्वागत व अभिनंदन होत आहे.