मनसेच्या पाठपुराव्याला यश: धोकादायक कचका मुजवण्याचे काम पूर्ण

  मनसेच्या पाठपुराव्याला यश: धोकादायक कचका मुजवण्याचे काम पूर्ण कसबा वाळवे ते चांदेकरवाडी दरम्यान ओढ्यावरील पुलाचा प्रश्न मार्गी दि. 7 एप्रि...

 मनसेच्या पाठपुराव्याला यश: धोकादायक कचका मुजवण्याचे काम पूर्ण

कसबा वाळवे ते चांदेकरवाडी दरम्यान ओढ्यावरील पुलाचा प्रश्न मार्गी

दि. 7 एप्रिल 2025 रोजी महाराष्ट्र नवनिर्माण सेनेच्या वतीने कसबा वाळवे ते चांदेकरवाडी दरम्यान ओढ्यावरील पुलावर असणाऱ्या धोकादायक कचक्याबाबत सार्वजनिक बांधकाम विभाग, कागल यांना निवेदन देण्यात आले होते. मनसे राधानगरी तालुका अध्यक्ष श्री वृषभ आमते यांनी या विषयासाठी सातत्याने पाठपुरावा केला आणि अखेर आज हे काम पूर्णत्वास गेले आहे.

नागरिकांच्या समाधानाची भावना

या कचक्याच्या मुजवणीमुळे रस्त्यावरून ये-जा करणाऱ्या नागरिकांची सुरक्षितता वाढली असून भविष्यातील संभाव्य अपघात टळणार आहेत. या कामामुळे त्या परिसरातील नागरिकांमध्ये समाधानाची भावना निर्माण झाली असून मनसेच्या कार्याबद्दल कौतुकाचा वर्षाव होत आहे.

स्थानिक नागरिक व सहकाऱ्यांचे सहकार्य

या कामासाठी मनसे कार्यकर्ते आणि स्थानिक नागरिकांचे विशेष सहकार्य लाभले. श्री सात्ताप्पा धनवडे आणि श्री धनाजी पाडळकर यांचे सहकार्य यामध्ये महत्त्वाचे ठरले.

सार्वजनिक बांधकाम विभागाचे आभार

मनसेच्या पाठपुराव्याला प्रतिसाद देऊन कागल सार्वजनिक बांधकाम विभागाचे अभियंता श्री डी. ए. पुजारी यांच्या सहकार्याने हे काम पूर्ण झाले. मनसेच्या वतीने तसेच पंचक्रोशीतील नागरिकांच्या वतीने श्री पुजारी यांचे मनःपूर्वक आभार मानण्यात आले.

मनसेची सामाजिक बांधिलकी

मनसेने पुन्हा एकदा सिद्ध केले आहे की, सामाजिक प्रश्न सोडवण्यात मनसे नेहमी अग्रेसर राहणार आहे. भविष्यातही मनसे अशीच भूमिका निभावत राहील.

श्री वृषभराज बाबुराव आमते

महाराष्ट्र नवनिर्माण सेना